Би нисэх дуртай, би жиргэх дуртай, би амьдрах дуртай......

Гамбаа багтарч унах шахав. Тэрээр яагаад ч юм гэртээ харихаас нэг л дургүй байсан ч өөр хаачих билээ хэмээн такси барин яаж зохицуулах талаар бодон явсаар нэг мэдэхнээ гэрийнхээ гадаа хүрээд ирсэн байв. Мөнгөө төлөөд орох гэтэл орцныхоо үүдэнд байрныхаа найзтай таарчхав.

- Юу байна хөгшөөн, ойрд харагдсангүй юу болов, эхнэрээ явуулчхаад ар хударгаар нь зохицуулаад байна уу, дээр нэг харсан тун дажгүй хүүхэн байна лээ шүү хэмээн архи сэнгэнүүлэн дал мөрийг нь алгадахад

- Харин хадам аавд азаартчихсан яахаа мэдэхгүй балраад явна

- Тэр чинь муу даа, ганц нэг юм унагах уу, өнөөдөр найз нь бас эхнэртэйгээ муудалцаад гараад ирсэн. Хүүхнүүдийг эрхлүүлээд аяар нь байх тусам давраад дургүй хүргээд байх юм. Тэр хоёр хажуугийнорцны дэлгүүр орон нэг шил Хараа даруулах ундаатай аваад хажуугийн цэцэрлэг зүглэв.

- Эр хүн яадаг юм, чи эхнэрээ чамд үнэнч царайлаад зүгээр явж байгаа гэж бодож байна уу? Үгүй л байхгүй юу, тэр тусмаа гадаад байгаа монголчууд чинь бүгд хоорондооявалддаг гэх чинь би лээ. Ардаа амьдралтай байж бид ч гэсэн адилхан хүмүүс нөгөө юу билээ аан тийм физиологийн шаардлага энээ тэрээ гэж хуцацгаагаад маниусаасаа илүү явж байгаа. Чи энд эмзэглээд яадаг юм. Алив явуулаач наадхаа, юундаа уруу царайлсан юм, эр хүн шиг байна шүү хө. Халхын хүүхнүүд мундсан биш, энэ чинь сайхан л хүүхэн байхчивлээ хэмээн сургаал айлдан олон юм ярих аж. Түрүүнээс хойш яах учраа олохгүй байсан Гамбаа уусан архи нь нөлөөлсөн үү, найзын яриа нөлөөсөн үү

- Нээрээ үхсэн гай л байна тийм ээ, дургүй бол болино л биз, чамд баярласан шүү, овоо онгойчихлоо. Тэр хоёр, хоёр биенээ өмөөрөн уусаарГамбаагийн утас нь дуугарахад харвал Ялгуун залгаж байна нэг авах гэснээ тэр чигтээ гүрийн байтал мессеж ирэв: " Та ирэхгүй юмуу, яалаа гэж намайг ингэж байгаа юм, би өвдөөд байна, ойлгож байна уу, хурдан ир л дээ хайраа гуйж байна". За юм ч дуусчихлаа найз нь явъя даа.

- Өө чи хоёрын хооронд хорхой гозолчуулчихаад. За за мань ч гэсэн тэгвэл орлоо, ааштай ч эхнэр дээрээ очих минь.

Чиний намайг хайрладаг байсан сэтгэл чинь хаачихсан юм бэ, би чинь эмэгтэй хүн. Миний дотор ямар байгааг чи мэдэж байна уу

- За уучлаарай хайраа, орох гэж байгаад байрын залуутай таараад ганц юм уучхаад л ороод ирлээ шүү дээ. Хоол хийгээд тавьчихсан байхад идэхгүй, надад ч гэсэн хэцүү байна, би одоо дараа яаж хадмуудын нүүрийг харах юм

- Харин ч нэг бодлын амар болчхож байгаа юм бишүү?

- Юу!!! Чи юу гэх гээд байна

- Битгий худлаа мэдэн будилаад бай л даа. Нэгэнт хадам аав чинь нүдээрээ харсан, эхнэр чинь ч ярихгүй байна, одоо бид хоёрт нуугдаад байх шаардлага байна уу?

- Чи бүр надтай сууна гэдэгтээ итгэлтэй байх шив дээ...

- Тиймээ, би чамаас салахгүй, чи өөрөө л энэ бүхнийг хүсээгүй гэж үү? Намайг яаж гуйж явдаг байлаа, одоо хүсэл чинь биелж байгаа биз дээ. Би ядраад байна, маргааш өглөө дүүргийн эмнэлэг орж цэвэрлүүлнэ чи хамт яваарай. Гамбаад хэлэх үг олдсонгүй. Дөнгөж саяхан л түүнд бүх зүйл амархан мэт байсан бол одоо ямархуу эргүүлэгт хутгалдчихаад, яаж эндээс гарахаа ч мэдэхгүй хий толгойгоо салаавчлан бодолд дарагдан хэвтэх ч хүний урманд нэмэр болчих хариулт олсонгүй. Эцэс сүүлд нь надад Булган уу, Ялгуун уу хэмээн бодон байтал нэг мэдэхнээ унтчихсан байв.

****

Сүх нэг л дуу муутай дүнсгэр бодолд дарагдана. Чи чинь юу болчихоо вэ, арай охиныг ганц өдөр авч гарлаа гэж ядраад байгаа юм биш биз. Та хоёр минь сайхан байсан уу, яасан их оройтоов, Одоохон хоол боллоо. Нээрээ Гамбаа ирээд явсан, одоо л охинтойгоо гэнэт санаж гэнэ, чамруу залгасангүй юу. Гэрийн ажил барагдахгүй юм, та хоёрыг гарсан дээр нь жаал жуул юм амжуулаад авъя гэсэн барсангүй шүү. Би ч ширүүхэн байсаар гаргасан,  гөлөгнөөд дуугарч ч чадахгүй байна билээ...хэмээн өөрөөөөртэйгээ үглэн байтал Сүх таг чимээгүй сууснаа гэнэт

- Хөгшөөн охин ойрдоо ярьсан уу, хичээл ном нь сайн гэнэ үү?,

- Ойрд чимээгүй л байна, одоо уг нь нэг ярих болсон доо, ямартаа ч сургуульдаа яваад хажуугаар нь ажил хийж байгаа, одоохондоо та хоёртоо тус дэм болж чадахгүй нь гэж байна лээ. Би ч бид гурав дажгүй ээ болоод байна, хүний газар байгаа миний охин өөрийгөө бод л гэсэн

- Аан, Гамбаатай ярьж байгаа юм болов уу, юм хэлнэ үү?

- Хаана байгаа вэ гэж асууж байхыг бодоход яриагүй юм болов уу, би гэж хүн яриандаа халаад анзаараагүй өнгөрчихсөн байна, одоо ярихаар нь нэг асууя байз. Арай тэр байр цахилгааны мөнгөө тэндээс төлж байдаг юм биш байгаа даа. Ингэхэд чи яагаад гэнэт ийм юм яриад унав

- Зүгээр дээ. Тэрээр зурагтаа асаан үдшийн мэдээ үзэнгээ бодолд дарагдан ер нь нэг шалгуулах нь зөв байхаа хэмээн шийдээд тэрийгээ Чандмаад хэлсэнгүй өөртөө үлдээв.

Миний охион сэрээрэй ээж нь ярьж байна, хөөрхөн охинтойгоо яръя гэнээ.

- Эмээ би жаахан унтмаар байна ш дээ

- Ээжтэйгээ ярихгүй юмуу.

- Охин нь өчигдөр өвөөтэйгээ явж тоглоод ядарсан бололтой сэрэхгүй байна.

- Өө тэгээ юу, Гамбаа авч явахгүй дээ, аав ядарчих вий

- Хээ цэс, танай нөхөр ер нь охинтой гэдгээ санадаг ч юмуу, энүүгээр үзэгдэх ч үгүй юм. Ингэхэд чи арай тэр байрных нь мөнгийг наанаасаа төлөөд байгаа юм биш биз.

- Хаанаас даа, юун тэрний байрны мөнгийг төлөх өөрөө энд өрөнд орчихоод явж байхад, тэгэхдээ надад санаа зоволтгүй шүү ээжээ харин ч сайн хүмүүс таарсан.

- За болж дээ, ер нь тэр Гамбаа хий байшин сахиж байхаар хөлслүүлээд энд байж чаддаггүй юм бол төрсөн гэртээ очиж амьдармаар юм. Нэмэрт нэмэр ш дээ

- За бид өөрсдөө зохицуулчихъя аа, та санаад зовоод юу хийхэв. Аав байна уу. Чамтай яръя гэнэ хөгшөөн

- Сайн уу ааваа, бие данги уу, охиныг авч явж тоглуулсанд баярлалаа

- За миний охин сайн, өө аав нь сайн сайн, юу гэсэн үг вэ охиноо тоглуулалгүй яахав

- Аав аа таньтай нэг шивнээ байна, ээжид битгий мэдэгдээрэй

- За одоо хэлэх юмуу

- Маргааш би таны гар утасруу залгая, охин сэрэхгүй л байна уу?

- Охиноо энд эмээгийнхээ өвөр дээр мөөмийг нь хөхөөд нойрмоглоод сууж байна. Миний охион ээж нь яръя гээд байна ярихгүй юмуу

- За аав сэрэхгүй бол яахав би дараа яръя, тэгээд ч энд надад тусалдаг нэг эгч байдаг тэр ороод ирлээ.

- Аан за, хүний газар биеэ бодож дотроо бодолтой доороо суурьтай яваарай миний охин. Маргааш яръя баяртай.

****

- Өө Бурмаа эгч сайн уу? яасан орой явж байх юм. Цай уух уу, жүүс уух уу

- Зүгээр л ус, Идэрээ ирээгүй юу, эгч нь харин жаахан уумаар санагдаад наашаа хүрээд ирлээ, тэгээд ч хэн нэгэнтэй сайхан сэтгэлээ онгойтол ярьдаг юмуу гэж бодоод

- Аан бололгүй яахав. Бурмаа авчирсан виногоо гарган ирэхэд Булган хоёр жүнз, жимс тэргүүтэн авчирч хажууд нь суун хоёул тулган эрүүл энхийн төлөө хундага өргөв. Бурмаа нэг сайн балгаад нэгэнтээ санаа алдан

- Булганаа чи намайг жаргалтай байдаг гэж боддог уу. Хүний амьдралаа гэж, тэр тусмаа эх хүн байна гэдэг үр хүүхдийнхээ төлөө өөрийгөө золиослох юу ч биш байдаг юм даа. Харийн хүний эхнэр болох ч...хэмээснээ үгээ таслан за дахиад нэг нэгтулгачихъя тэгээд эгч нь чамд өөрийнхөө амьдралыг ярьж энэ дотроо нэг сайхан онгойлгоё болох уу хэмээн хэлээд гуниг хурсан нулимстай нүдээр өөдөөс нь хараад инээмсэглэв.