Би нисэх дуртай, би жиргэх дуртай, би амьдрах дуртай......

Шилдэг мэндчилгээний уралдаан

Та бүхнийг мэндчилгээний уралдаанд оролцож өөрийн

авъяас чадвараа сорихийг урьж байна.

Нэг. Танилцуулга

МобиМЕДИА-аас зарлаж буй энэхүү уралдаан нь хэн хамгийн сайн мэндчилгээ зохиохыг шалгаруулах зорилготой бөгөөд оролцогч нь өөрийн зохиосон хэдэн ч мэндчилгээгээрээ оролцож болно. Шалгарсан бүтээлийг МоbiMEDIA, DailyFun үйлчилгээгээр хэрэглэгчдэд хүргэх ба зохиогчтой нь цаашид хамтран ажиллах санал тавих болно.

Хоёр. Бүтээлд тавигдах шаардлага

Мэндчилгээг А4 цаасан дээр үсгийн хэмжээ 12, мөр хоорондын зай 1.5, Arial Mon фонтоор бичсэн байна. Бүтээлдээ өөрийн овог, нэр, нас, хүйс, эрхэлсэн ажил-сургууль, холбоо барих утас, хаяг, огноог тавьсан байна. 1 мэндчилгээ 8 мөрт байх ба мэндчилгээгээ юунд зориулсан мэндчилгээ болохыг гарчиг тавьж заасан байна. Жишээ нь дараахи төрлөөс сонгож болно.

     Мэндчилгээний төрөл

1. Төрсөн өдрийн, Найздаа, Талархлын

2. Өдөр тутмын /Өглөөний мэнд, Өдрийг сайхан өнгөрүүлээрэй, Сайхан амраарай/

3. Баяр ёслолын /Эх үрсийн баяр, Наадам, Улс тунхагласан, Шинэ жил гэх мэт/

4. Хайрын /Ханьдаа, болзоо, уучил, хуримын ... /

5. Хошин

6. Эротик /Зөвхөн насанд хүрэгсэд оролцоно/

Гурав. Дүгнэх журам

Уралдаанд ирүүлсэн бүтээлүүдийг уралдааны комисс шүүнэ. Оролцогчийн илгээсэн мэндчилгээний агуулга, чанар, тооноос хамаарч дүгнэх болно.

Дөрөв. Шагналын сан

Шилдэг мэндчилгээ зохиогч:

1-р байр нэг.    50.000 төг, M-Club ваучер

2-р байр нэг.    40.000 төг, M-Club ваучер

3-р байр нэг.    30.000 төг, M-Club ваучер

Тусгай байр тав. 10,000 нэгж, M-Club ваучер.

Тав. Хугацаа, холбоо барих

2009.04.16-аас 2009.04.30 хүртэл бүтээлийг хүлээн авч 2009.05.05-нд шагналыг гардуулна. Бүтээлээ цахим хэлбэрээр mbs@mongolcontent.mn хаягаар явуулна. Хэвлэмэл байдлаар өгөх бол доорхи хаягаар илгээх буюу биеэр авчирч өгч болно.

Хаяг:

Монгол Улс, Улаанбаатар хот, Чингэлтэй дүүрэг, 5-р хороо, Төмөрчний гудамж, EXE Plaza, 4 давхар, МобиМЕДИА-д. Лавлах утас 99091074.

Зургаа. Бусад

Уралдаанд оролцогч нь зөвхөн өөрийн зохиосон бүтээлээр оролцох ба бусдын бүтээлийг ашиглаж үл болох бөгөөд үүнээс үүдэн гарах аливаа хариуцлагыг уралдаанд оролцогч хувь хүн бүрэн хариуцна. Уралдаанд ирүүлсэн бүтээлүүдийг МобиМЕДИА нь үйлчилгээндээ ашиглаж олон нийтэд хүргэх эрхтэй болно.