Үүрэн телефоны анхдагч оператор Мобиком Корпораци нь Шведийн Эриксон компанитай хамтран эх орондоо анх удаа HSPA /High Speed Packed Access/ технологийн өндөр хурдны хөдөлгөөнт интернэтийн үйлчилгээг нэвтрүүлснээ албан ёсоор зарлалаа. Ингэснээр Монгол улсын нийт хүн амын 50% нь оршин суудаг Улаанбаатар болон Эрдэнэт, Дархан зэрэг хүн ам ихээр төвлөрсөн хотуудад энэхүү сүлжээгээ хүргэн өөрийн хэрэглэгчиддээ хөдөлгөөнт интернэтийн үйлчилгээг хүргэхэд бэлэн болоод байна.
Дэлхий нийтийн тэргүүлэх технологи болох HSPA/High Speed Packed Access/ нь сүлжээний багтаамжийг нэмэгдүүлэн олон талт үйлчилгээний холболтыг хийх боломжийг олгох төдийгүй холбогдох хугацааг түргэсгэх, мэдээлэл дамжуулах хурдыг нэмэгдүүлэх боломжийг бүрдүүлж байна. Энэхүү шинэ сүлжээ нь Мобикомд өндөр хурдны хөдөлгөөнт интернэт холболт, видео яриа, мултимедиа мессэж болон бусад нэмэлт олон төрлийн шинэ үйлчилгээг үзүүлэх боломж олгож байгаа юм.
Шведийн Эриксон компани нь радио сүлжээний нийлүүлэгчээр ажиллахаас гадна сүлжээний өргөтгөл, сүлжээний системийн холболт, сүлжээний чанарыг сайжруулах зэрэг үйлчилгээг цаашдаа ч хариуцаж ажиллахаар талууд тохирчээ. Мобиком Корпорацийн ерөнхий захирал Д.Болор хэлэхдээ “Энэхүү технологийн шинэчлэл нь Мобикомын “Таны тэмүүлэл биднийг хөтөлнө” гэсэн зорилтын хүрээнд хэрэглэгчиддээ үргэлж хамгийн дэвшилтэт үйлчилгээг хүргэнэ гэсэн зорилгын биелэлт болж бидний ажлын нэг хэсгийг харуулж чадлаа. Мобиком нь Монголд үүрэн холбооны үйлчилгээг үзүүлсэн анхны оператор байсан бол одоо Монголд анх удаа хөдөлгөөнт интернэтийн үйлчилгээг нэвтрүүлж байна. Дэлхийн хэмжээнд үүрэн холбооны сүлжээний чанарын үзүүлэлтээр ямагт дээгүүр явдаг Эриксон компани нь удаан хугацаанд манай хамтрагч байж ирсэн нөгөөтэйгүүр 3,5G технологийн талаар ихээхэн туршлагатай учир энэ төслийн хамтрагчаараа сонгоход хүргэсэн” гэлээ.
Эриксон компаний Зүүн Европ болон Төв Азийн бүсийн Ерөнхийлөгч Жан Кэмбел хэлэхдээ: “Монгол улсад анх удаа 3,5G технологийг нэвтрүүлсэн түүхийг Мобикомын хамтрагч болон бичилцэж байгаадаа бид туйлын их бахархаж байна. Өндөр хурдны хөдөлгөөнт интернэтийн үйлчилгээ нь Монголын хэрэглэгчдийг дэлхийн түвшиний харилцаа холбооны хөгжилд илүү хялбараар хүргэнэ гэдэгт бид итгэлтэй байна” гэж ярилаа.
Сэтгэгдэлүүд:
uu za inf-d teenQ
Энийг ямар нэгэн маргаан үүсгэх гэж бичсэнгүй, бичихгүй бол бас л болохгүй биз дээ тэ...хэхэ
sonytoi negdeed utas hiigeed ehelehed dampuurald orood sony neleed hesgiig ni hudaldaj absan gej sonsoj bsan shde tegeed zobhon ericon gedeg neriig hadgalj uldeher bolloo gej sonsoj bsan yum bna
odoo er ericon gsn yamar negen tsahilgaan baraa ene ter bdag yumuu
boljmor egshee bi eniig mgloo bodsondoo helj bgam ternees taniig eniig tabisand tegeeguim shu
manai mobi chin mgldoo l tom anhdagch tiim bolohoor ireeduid ch gsn ter chigeeree baigasai gej husej bna
bas neg oyu tolgoi shig yum boloh bii de
Friidland deeremchin bsan geed haa saigui shuugij bn shuu de
ene ericon ch gsn dee zaza buu meddee
gehde medeelel ogsond tanid bayarllaa
Хөдөлгөөнт интернэтийн үйлчилгээгээрээ гуравт шүү дээ. Скайтел, ЖиМобайл аль хэдийн үйлчилгээгээ эхлүүлсэн шүү дээ. Хэнийг хуурах гэж ядаад байгаа юм бол? Мөн Sony Erricsson чинь буцаад салчихсан юм уу?
Сэтгэгдэл үлдээх: