Би нисэх дуртай, би жиргэх дуртай, би амьдрах дуртай......

Гамбаа богино өмдтэйгээ галын өрөөнд нааш цааш холхин тамхи баагиулан их л ууртай байх аж. Ялгуун хойноос нь тэврэн

- Гамбаа чи ойлго л доо. Надад ингэж байх үнэхээр хэцүү байна. Би...би найз залуутай болсон, түүндээ маш их хайртай. Хуураад байж чадахгүй нь

- Би тэгвэл энэ олон жил чамайг гэж явсныг яаа гэв, чиний өрийг дарах гэж Булганд хүртэл худал хэлэн энэ байраа барьцаалсан, хадмуудад мэдэгдэхгүй гэж тэр бүсгүй чиний өрийг дарахаар хүүхдээ орхин явсан. Тийм ээ би тэнэг байж болно, одоо чи өөрийгөө аваад явчих болсон болохоор би чамд хэрэггүй болсон уу тэ...

- Битгий уурлал даа, би заавал өрөө төлнөө

- Тийм байсан бол чи явахаас нь өмнө хэлэхгүй яасан юм...

- Чи надаа юу ч хэлээгүй шүү дээ...за миний хонгор битгий уурла тэгэх үү

- Нэг бол маргаашийн дотор байрны мөнгө, хүү, явсан зардал, машины мөнгө гээд хорин таван сая төгрөг олж ир, чадахгүй бол дуугүй миний үгээр бай.

- Гамбаа, чи битгий ийм хатуу бай л даа, би хаанаасаа тэр их мөнгийг чинь олох юм бэ. Гамбаа юу ч дуугарахгүй биеэ татан авч сандал дээр суун хөргөгч онгойлгон хүйтэн шар айраг гарган нэг амьсгаагаар залгилав. Ялгуун хэсэг харж зогссоноо өвөр дээр нь ирж суун үсийг нь илбээд

- За за тайвшир хайраа. Би чамайг надад хир хайртайг л мэдэх гэж шалгасан юм, уучлаарай даа хэмээгээд хамар дээр нь үнсвэл

- Ингэж хүнийг шалгадаг юмуу, бүр хамаг юм хөдөлгөчихлөө

- За хайрдаа ир, би юу гэж чамайгаа алдахыг хүсэх билээ дээ, тэгээд ч байхад нь нууцаар яваад болоод байсан байж, одоо бүр ч чөлөөтэй болж байхад гээд уруулыг нь озон үг дуугарах аргагүй болголоо. Гамбаа ч дороо тайвшран Ялгууныг өөдөөсөө харуулан суулган хариу үнсэн тэврээд өрөөнд оров.

****

- Булганаа чамд таалагдаж байна уу, Америк чиний бодож байсан шиг биш байгаа биз?

- Мэдэхгүй ээ, үнэндээ би ирэхээсээ өмнө ийм тийм гэж бодож байгаагүй л дээ. Харин ирчхээд нөгөө кинон дээр гараад байдаг шиг л юм байх гэсэн өөр байхаар нь жаахан гайхаад

- Тэр чинь том газраа л тийм, тэгэхдээ манай энд ч сайхан шүү, хотын төвд нуурын эрэг дээр оройдоо ямар сайхан гээч

- Аанхан

- Дараа Идэрээг амрахаар манай хүнтэй дөрвүүлээ бүр тухтай явнаа. Булган нэг л бодлогширонгуй байх аж. Тэрээр юу бодож нээрээ энд ер нь ирсэн бол. Эгчийнхээ өгсөн байрыг Гамбаа нэг найзтайгаа хамтран юм хийх гэж байгаа гэхээр нь барьцаанд тавьчихсан нь нөгөөх нь ч бүтэлгүй болж хүү нь өсч одоо юу юугүй хураагдах болчихоод аргагүйн эрхэнд Гамбаагийн ятгалгаар ийнхүү гадагшаа гарахаар хөөцөлдтөл дороо бүтчихсэн нь энэ. Тэгээд л хайртай охин, хань ижил, эцэг эхээсээ хол харийн газар хүрээд ирчихсэн нь учраа олохгүй дасаж өгөхгүй байв. Харин хаа очиж их сайхан зантай улс юм хэмээн дотроо битүүхэн баярлаж аж. Булган Бурмааг утсаар ярих хооронд ийнхүү бодлогширон зогсоно.

- За хоёулаа утасны газраар ороодхоё. Чамд утас аваад өг гэнээ. Гангар гунгар хийн явсаар Бурмаа бүгдийг нь зохицуулан гар утас авч өгөөд хоолонд орж байтал Идэрээ ч ажил нь дуусан түүнийг авахаар ирэв.

- За эгч нь явлаа, одоо өнөөхийн чинь ажил тарах болчихлоо, дараа тухтай уулзая баяртай хэмээн ганцаараа чанга чанга ярьсаар гараад явчхав.

- Идэрээ би бушуухан л ажил олж хиймээр байна, ямарч ажил байсан хамаагүй. Тэгээд эхний ээлжинд Гамбааг наашаа авчрах талаар хөөцөлдмөөр...

- Ажил ч олдох нь олдох л байх, тэгэхдээ хир удахыг би мэдэхгүй байна. Өө эгчээс хэдэн утасны дугаар авдаг байж, за яахав нөгөөдөр ажил дээрээ очихоор нь авчхаж болох байх. Гэрлүүгээ ярьмаар байна уу, май энэ карт.

- Байна уу...сайн сайн. Чи сайн уу. Идэрээ, Бурмаа эгч хоёр надад тусалж байгаа чи санаа зоволтгүй. Охин сайн уу. Аан за болж дээ. Би дөнгөж ирээд байна шүү дээ. Саяхан Идэрээтэй наад асуудлаар чинь ярьлаа. Эхлээд бичиг баримтаа харлуулахгүй байх талаар хөөцөлдсөн нь дээр гэнээ. За за ойлгож байгаа ш дээ. Биеэ бодоорой миний хань. Булган утсаа таслаад нэгэнтээ санаа алдан охинлуугаа залгав.

- Байна уу ээжийн охин сайн уу...гэтэл нойрмог дуутай охин нь уйлагнан

- Ээжээ та хэзээ ирэх юм бэ?

- Ээж нь ажил ихтэй болоогүй байнаа, бас сургуульдаа явна...

- Тийм удаан уу...би таныг санаад байна, аав бас ирэхгүй байгаа тантай хамт байгаа юмуу

- Аав нь уу...\ тэрээр хэсэг түгдчиснээ\ Аав нь бас ажил ихтэй, тэгээд гэрээ харж байгаа

- Аан тэгвэл би та хоёрын хүүхэд биш, эмээ өвөөгийн хүүхэд боллоо мэдүү

- Ээжийгээ тэгдэг юмуу...миний охин ээжийгээ бага санаарай за, ээж нь удахгүй охиндоо зөндөө гоё юм явуулна

- Нээрээ юу, та надад тэгвэл гоё палаж явуулаарай, манай ангийн охин гайхуулаад байсан юм

- Тэгнээ...за баяртай ээж нь унтлаа

- Унтлаа...танай наана чинь шөнө болж байгаа юмуу, манай энд өглөө болж байхад уу даа

- Харин тийм,

- Хэхэхэ...сонин юмаа тэ

- За ээж нь үнсье, хайртай шүү охиндоо

- За ээжээ, би таныг санахгүй л байвал та хурдан ирэх юмуу тэ

- Аанхан...эмээгийнхээ мөөмийг идээгүй биз?

- Жаахаан л идэж байгаа...Булган утсаа тавиад зөндөө уйллаа. Ирээд долоо ч хоноогүй байж ингэж санаж байгаа хүн яана даа хэмээн тэрээр санаа алдаад усанд орохоор бэлдэв.

Булган ирээд сар гаруй болсон ч ажлын сураг гарсангүй, ёургууль нь ч олигтой бүтэж өгөхгүй яагаад ч юм бачуурах аж. Гамбаа ярьж байрны хүү хэмээн түүнийг загнахад хажууд нь байсан Идэрээ сонссон бололтой

- Манай Гамбаа ч яг зангаараа байна шүү, энийг хүүгүй зээлдээ, цалинтай болохоороо буцааж өгнө биз хэмээхэд Булган баярласандаа юу, Гамбаад уурласандаа юу өөрийн эрхгүй уйлчхав. Тэрээр Бурмаагийн өгсөн ажил олгодог газрын утаснуудруу залган хэлэх ёстой үгнүүд, асуултыг нь бүгдийг нь цээжилчхээд давтаж хэлэх боловч эргээд утасдана гэхээс өөр хариу сонссонгүй. Авч гарсан хэдэн доллар нь аль хэдийн дуусаад гарч орох унааны мөнгө Идэрээгээс авсаар сүүлдээ санаа нь зовж эхлэв. Тэрээр хэрэг гарвал ярина гэж байсан картаараа нөхөр лүүгээ залгатал тэрээр нилээн дуудуулж байгаад авахдаа согтуу дуугаар байна уу хэмээн чарлахад цаана нь хөгжмийн нүсэр дуун хангинах аж.

- Байнаа би байна, наад чимээнээсээ гараадхаач

- Хэн бэ, дугаараа яагаад нуугаад байгаа юм, миний хайруу. Булган түүнийг сонсоод өөрийг нь ингэж хэлж байлуу хэмээн хэсэгхэн бодсоноо

- Тиймээ би байна...чи хариагүй юу хийж байгаа юм бэ, хурдан наанаасаа гараадах даа

- Аан, хайр нь энд найруулагчийг найраад ууж сууна, миний хайр сайхан хоолоо хийгээд хүлээж бай, би удахгүй ээ, нэг их уугаагүй байгаа шүү. Гэрийн утас дуугарвал битгий аваарай, цаад Булган чинь залгаж магад...

- Юу!!!!....Булган юу ч хэлж чадахгүй саяны сонссон яриандаа итгэж ядан арай ч дээ гэхээс өөрийн эрхгүй хоолой нь зангиран хоёр нүдийг нь нулимс бүрхлээ. Гамбаа байна уу...байна уу хэмээн хэд орилсоноо чамдаа хайртай шүү, удахгүй очноо үнсье...хэмээн дультрайтан хэлсэнээ утсаа тасалчихлаа. Түүний дотор бачуурч хөдлөх нь бүү хэл амьсгалахад ч хэцүү болон утсаа шалан дээр алдан суусан чигтээ хөшөө шиг хөшин нүдийг нь бүрхэх нулимсаа ч арчих чадалгүй тэр чигтээ суусаар...